انتقد الإعلامي عمرو أديب تصريحات حسام حسن المدير الفني لمنتخب مصر في المؤتمر الصحفي الاخير بالمغرب وقال عمرو اديب :
أنت بوظت كل علاقتنا بالناس.. أنت قدمت مصنع شماعات لهزيمة المنتخب.. بتسأل عن لباقة الناس طيب فين اللباقة بتاعتك.. بعد ما قعدت شهر في المغرب تقول بلدكم مليانة ناموس.. أنت منعت اللاعيبة تسلم على زمايلهم
و احدثت تصريحات عمرو اديب حالة من السخرية من جانب الجماهير المصرية التي رأت أن تصريحات الإعلامي المصري غير دقيقة لانه لك يدرك حجم الإهانة التي تعرض لها حسام حسن من جانب اعلام المغرب المستفز كما انه اعلام لا يراعي روح العروبة والأخوة :
بيان الاتحاد السنغالي ضد المغرب
الحقوا الضحك
▪︎الاتحاد السنغالي نزل بيان من شويه خلى شكل الدوله المنظمة اياها ضحك خالص بعد ما قالوا الاتي
ان المغرب مستضافتهمش كويس وقعادوهم في فنادق مش حلوة خالص ومتليقش بيهم وقعدوا يقولوا احنا قعدنا نطلب كتير اوي لحد ما نقلونا فندق 5star وكمان الجماهير في حاجة عجيبه احنا مش عارفين نجيب تذاكر بنفس الارقام الي كنا جايبنها في نصف النهأئي قدام مصر !
وبيطلبوا من الاتحاد الافريقي ان ياخدوا قرارات تضمن المساواه والامانه في اشاره ان الدوله المستضيفه بتعمل حاجات مش حلوة
عالفكرة كابتن حسام قال نفس الكلام واضح اوي ان كلامه طلع صح بعد ما السنغال بنفسها قالت كل ده
وان كان في شغل حلو اتعمل للسنغال في نصف النهائي عشان الملعب يبقى عباره عن 20الف واكتر سنغاليين
حلو اوي البيان ده مزجني بالشفاء
حملات ممنهجة ضد مصر
وكتب اخر عن حملات المغاربة ضد مصر :
علاقتنا بمين
من كام شهر كانوا المغاربه عاملين حملات علي مصر افتحوا المعبر يامصاروه
والماتشين الاخيرين كانوا بيشجعوا المنافس بوقاحه
طب انت كأعلامي ممكن تسأل مدرب ضيف في بلدك وتقوله انت بتعلق فشلك وضعفك علي التنظيم
من حق حسام حسن واي مدرب او لاعب ينتقد التنظيم عادي ومن حق الصحفي يسأل عن سبب الاخفاق بس مش بكلمة الفشل والضعف والشماعه والكلام غير مهني
حسام حسن دافع عن كرامته
بينما راي اخر ن أن حسام حسن المدير الفني للمنتخب الوطني لكرة القدم دافع عن كرامته فحسب حيث كتب قاىلا :
يعني عادي ناخد على ادمغنا ونسكت والواحد لو دافع عن كرامته وكرامة بلده يبقى بيبوظ العلاقات
يعني ياعمرو يا أديب مسمعتش صفارات الاستهجان من الجمهور المغربي أول ما الكورة تبقى مع الفريق المصري ولما نجيب جون سمعت الرعد في ودانك يا بعيد
. المشكله احنا ك مصرين. عادي كلنا معترفين أننا نستحق الخروج وحصل وخرجنا من قبل في بطولات ومنها بطولات علي أرضنا.وم اتكلمنا وانتقد نا اللعيبه والجهاز وخلاص.. لكن احنا كلامنا كله. ليه بعد اول مباره والتشجيع المثالي لمصر من قبل المغاربه قامت الدنيا وقعدت وعلمه حمله اعلاميه مغربيه بعدم تشجيع مصر!! لدرجه انهم اتهموا أهل أغادير أنهم غير مغاربه ومحدش يقول بسبب التصريحات مباره تنزياو ولأنه دا قبلها. .. وبعدين ايه الغلط أو الاساءه أنه اقول رأى م اعلام أو جماهير في ركله جزاء واضحه وضوح الشمس حتي لو انت م متفق معي… فين الاساءه للمغرب في كدا!! وهل دا يستاهل كل الحملات دي لدرجه لاول مره في تاريخ العرب بلد عربي تملئ جماهير الخصوم ضد مصر!!!.
هل طبيعي بلد. م عارفه نشيد مصر وتعملو لاوغندا
هل طبيعي استفزاز الصحفيين لمدرب يمثل مصر وشعبها..
هل طبيعي الجمهور المغربي يخرج بالشوارع احتفال بفوز السنغال.ويسئ لمصر والمصريين
احنا مش عاوزين حد يشعجعنا بس ليه الاهانه والإساءة والتقليل من حجم مصر. في حين أننا كنا من أكبر مشاجعينهم في اخر البطولات. . فعلا احنا ثقافتنا لازم تتغير وتكون المعامله بالمثل بعد كدا. !!
احنا اتظلمنا ف البطوله دي وأقسم بالله حسام مطلعش منه الغلط الا لما شاف الغلط
