حالة من الغضب الشديد في مصر ضد المنظومة الصحية بشكل عام بعد وفاة شخص نتيجة الإهمال الطبي في إحدى المستشفيات الخاصة حيث قام شقيق المتوفي بتصوير الإهمال حيث تم تشخيص الحالة بالخطأ في غياب أطباء المستشفى واعطائه جلسة غسيل كلوي بدلا من علاجه من الجلطة وقد صدر لاحقا قرار بضبط شقيق المتوفي الذي صور إهمال المستشفى حيث من المتوقع أن يتم إطلاق سراحه لاحقا.
وجاءت الآراء على المنظومة الصحية في المستشفيات الخاصة بمصر على النحو التالي :
كمان هو اللي يتقبض عليه يعني عامله نظافه بتعمل غسيل كلوي لمريض عنده جلطه!!!!
هل ده يرضى الله…… لو انا ما شفتهاش بنفسي بيحصل ايه بالمستشفيات واحنا رايحين المستشفى الفجر وابن اخويا كان بيموت حرفيا على ايد مامته واللي كانت بتساعدنا وقالت تعالوا نعمل تنفس صناعي له العامله اللي في المستشفى عامله ولا ممرضه ولا دكتور يرضي ربنا!!!!!؟
وقال اخر
ياجماعه هما الأطباء قبضوا روحه دي اعمار وربنا يرحمه ويغفر له ويسكنه فسيح جناته
ماحدش عاوز يهمل في شغله لأنها سمعه وفي طب شرعي بتحدد لازم نؤمن ان دي. اعمار
وقال شخص آخر
اولا هو عشان طلع في فيديو يبقى فساد، حد منكم عرف تفاصيل الواقعة دي، حد منكم دكتور يعرف يشرح هو مات ليه ، طب حد منكم شاف الإهمال اللي حصل ، كل اللي ظاهر في الفيديو زعيق وتمريض ساكت وراجل ميت الله يرحمه على السرير من المشهد ده عرفته أن فيه تقصير ، أو من المشهد ده عرفته أن التمريض عمل اللي عليه .
ياريت نبطل نلقي بأحكام واحنا قاعدين في البيت ، منكرش أن فيه إهمال طبي في مصر بس مش كل ما حالة يتوفاها الله نقول ده إهمال طبي من غير اي دليل لمجرد أنه مات يبقة اكيد فيه إهمال طبي ، احنا عندنا عدم وعي بالمجال الطبي في الشعب وإهمال من بعض الدكاترة ودخول أفراد غريبة في التمريض ذي خريجين الاكاديميات ، لاكن الموضوع محتاج بحث وأدلة قبل ما نطلع نحكم على الناس بمجرد فيديو ، اي حد في مكانه هيكون مش مستوعب وزعلان لان ده فقد اخ ليه مش حاجة سهلة ، بس في الموقف ده الواحد مش بيفكر بيبقى عايز يشوف اي سبب عشان يبرر موت اغلى الناس عنده أو مش مصدق أنه مات . ربنا يكون في عونه وعون أهله ويارب يصلح حالنا ونحاول نكون نسخة افضل، كل واحد فينا يحاول يكون نسخة افضل من نفسه وميستناش يحكم على الناس
لأزم يطالب بحق اخوه وحقه ويطلب برفع الكاميرات لاثبات الأهمال واضح إن اخوه كان بيحاول يتحرك وينادي أو يستغيث لكن لا حيات لمن ينادي كانه بيتفرجوا على الماتش…وبعدين كل اللي كان واقف يتجاب ويعرفوا شغلتهم ايه ف الرعايه لأ له حق وكلنا لنا حق إهمال وأستهبال منهم كلهم
فين الحقيقه لازم بيان بالاهمال وتوضيح مين تسبب بوفاة اخوه حاسبوه بس اكشف المتسبب في وفاة اخوه حاسبوه بس عرفوني ازاي عامل نظافه بيغسل كلي لمريض وموظف شغال بدل الدكتور محاسبة الجميع وأولهم مدير المستشفي
