حالة من الهجوم الشديد على وكيل شركة رينو في مصر بعد شكوى سيدة ضد الشركة أكدت خلالها أنها اشترت سيارة من توكيل الشركة في مصر وتبين فيما بعد أن السيارة كانت تعرضت لحادث وهو ما اكتشفته بعد الشراء لترد الشركة على السيدة فيما بعد بالتكذيب وهو ما أثار حالة من الاستياء لدى الكثيرين حيث تعرض لكم ابرز الآراء فيما يلي :
انا شايف ان رد الشركة فيه نوع من العدائية
وكان الأفضل معالجة المشكلة والاعتذار لصاحبة العربية ده كان هيعطى ثقة للمستهلك انه فى حالة وجود خطأ سوف يجد تعاون من الشركة فى إصلاح هذا الخطأ.
فيما قال شخص آخر : هناك خبراء سيارات يؤكدون أن كتير من السيارات أثناء النقل من الشحن والمخازن والمعارض تتعرض لحوادث و تقع وتتخبط وحاجات كده وأصحاب التوكيلات بيلموها بالسمكره والرش ويبيعوها عادى من غير ما يبلغوا الزبون اساسا.
فيما قال راي اخر مهاجما الشركة:
البيان بيأكد برائتها ويدين الشركة نفسها ازي في ٤ ايام بعد استلامها ترش العربية
وراي جديد ضد الشركة أيضا يقول :
الرد بتاع الشركه محتاج رد يعنى العملية وهى تستلم العربية سعيدة كان عاوزها تعمل اية وهى تشترى حاجة بفلوسها نفسها تجيبها تحزن يعنى طب اديها حزنت بعد ٤ ايام كما قال بيان الوكيل لما اكيد حد شاف العيب او المرور كشف العيب اللى فى العربية البيان يدين الوكيل اكثر ما يحميك لان استحاله اللى اشترتالعربية تكون عملت حادثة بها وراحت لسمكرى ثم دوكو علشان ترش العربية يجب على حمايه المستهلك يتدخل لحمايه حقوق الشاكية لان البيان يدين الوكيل.
وقال راي اخر منتقدا بيان شركة رينو :
ده بيان مكتوب من عيل صغير حرفيا
ايه كانت مبسوطة و هى بتستلمها دى هى المفروض تعيط يعنى
و بعدين هتاخد العربية و وتعمل حادثة و ترشها فى ٤ ايام !!
طب الحادثة دى مش بيتعمل بيها محضر فين المحضر انعا عملت حادثة يا اذكى اخواتك
المفروض يتبعت ميل للشركة فى فرنسا مع عمل محضر فى النيابة ورد الشركة كمان عشان الكلام دة لازم يوصل للشركة الام وتعرف مستوى الخدمة الى بتتقدم للعملاء عامل ازاى
وقال اخر :
بيان الشركه يوضح عدم اهتمام الشركه بحسن معامله العميل وهذا اسلوب يفقد ثقه العملاء وواضح من ماجاء رد الشركه فنيا ان مالكه السيار قامت بسمكره ودهان دوكو بعد اربعه ايام ولم يذكر حجم الإصلاح وهل تم بشكل سليم او غير سليم فنيا يعتبر شئ مبهم
وقول الشركه انها ادعاءات كاذبه لا يصحى قوله
